თბილისის მუსიკალურ-კულტურული ცენტრი

დავით აღმაშენებლის 123ა | თბილისი

დავით აღმაშენებლის გამზირზე მდებარე ჯანსუღ კახიძის სახელობის თბილისის მუსიკალურ-კულტურულ ცენტრს, მისი დაარსებიდან დღემდე, არამარტო ქალაქის, არამედ სრულიად საქართველოს კულტურულ ცხოვრებაში გამორჩეული ადგილი უჭირავს.
ცენტრის შექმნის იდეა, გამოჩენილ დირიჟორსა და საზოგადო მოღვაწეს ჯანსუღ კახიძეს უკავშირდება, რომლის ოცნებაც - შექმნილიყო სივრცე, რომელიც სიმფონიური მუსიკის შესასრულებლად საჭირო ყველა მოთხოვნას დააკმაყოფილებდა, მეოცე საუკუნის 80-იანი წლების მიწურულს განხორციელდა, როდესაც თანამედროვე სტანდარტების შესაბამისი საკონცერტო დარბაზი არქიტექტორ ლერი მეძმარიაშვილისა და მურთაზ ჩაჩანიძის ხელმძღვანელობით, 1989 წელს აშენდა.
ცენტრის შენობა, ცნობილი მისი გამორჩეული აკუსტიკითა და მომხიბვლელი გარემოთი, თავის სცენაზე როგორც ადგილობრივ, ისე საერთაშორისო შემსრულებლებს იზიდავს და ამასთან, მისი მრავალფეროვანი სამუსიკო წარმოდგენების გამო ის მელომანების ერთ-ერთ ყველაზე საყვარელ ადგილად იქცა.
ათწლეულების მანძილზე ცენტრი, კლასიკური მუსიკის, ჯაზის თუ თანამედროვე ქართველი კომპოზიტორების კონცერტებს, საერთაშორისო და ადგილობრივ მუსიკალურ ფესტივალებს მასპინძლობს, რაც მუსიკის ყველა ჟანრის მოყვარულთათვის იდეალურ და მიმზიდველ სივრცედ აქცევს მას.
ცენტრის შემოქმედებით კოლექტივს - 1993 წელს, ჯანსუღ კახიძის მიერ დაარსებული თბილისის სიმფონიური ორკესტრთან ერთად, ნიკო სულხანიშვილის სახელობის საქართველოს სახელმწიფო საგუნდო კაპელაც განეკუთვნება, რომელიც ასევე აქტიურადაა ჩართული ცენტრის საკონცერტო ცხოვრებაში და მსმენელს ფართო რეპერტუარს სთავაზობს.
ჯანსუღ კახიძის სახელობის თბილისის მუსიკალურ-კულტურული ცენტრი, მუსიკის ყველა მოყვარულს დასამახსოვრებელ გამოცდილებას ჰპირდება.