Tbilisi City Guide

საქართველოს ერთ-ერთი ყველაზე გამორჩეული - კოტე მარჯანიშვილის სახელობის სახელმწიფო აკადემიური დრამატული თეატრი, თავდაპირველად, ცნობილი ქართველი რეჟისორის კოტე მარჯანიშვილის ძალისხმევით, როგორც მე-2 სახელმწიფო დრამატული თეატრი, ქალაქ ქუთაისში 1928 წელს დაარსდა.
1930 წელს თეატრის დასმა თბილისში, 1907 წელს ქართველი მეწარმის კონსტანტინე ზუბალაშვილის დაკვეთით აგებულ, ყოფილი ,,სახალხო სახლის“, იგივე ზუბალოვის (ზუბალაშვილის) სახალხო თეატრის შენობაში დაიდო ბინა და ამდრომდე აქ მდებარეობს.
კოტე მარჯანიშვილი თეატრში ხუთი სეზონის განმავლობაში მოღვაწეობდა და მისი ხელმძღვანელობით 26 სპექტაკლი დაიდგა. 1933 წელს, მარჯანიშვილის გარდაცვალების შემდგომ თეატრს მისი სახელი ეწოდა.
დაარსების დღიდან თეატრს საქართველოს სასცენო ხელოვნების ერთ-ერთი გამორჩეული და მნიშვნელოვანი ნაწილი უჭირავს. თეატრი მისი მრავალფეროვანი რეპერტუარით - როგორც კლასიკური ასევე თანამედროვე და ინოვაციურ სპექტაკლებით არის ცნობილი. ამასთან, ათწლეულების მანძილზე მარჯანიშვილის თეატრში გამორჩეული სამხატვრო ხელმძღვანელების, რეჟისორების, ქართული თეატრისა და კინოს მსახიობების მოღვაწეობამ არა მხოლოდ ქალაქის, არამედ ქვეყნის მასშტაბით მისი სიყვარული და პოპულარობა განაპირობა.
დღესაც, თეატრის ინტიმური ატმოსფერო შემსრულებლებსა და მაყურებელს შორის უნიკალური კავშირს ჰქმნის რაც ყოველ ვიზიტს დასამახსოვრებელ გამოცდილებად აქცევს. მიუხედავად იმისა, ხართ თუ არა თეატრის მოყვარული თუ უბრალოდ ცდილობთ დატკბეთ კულტურული საღამოთი, მარჯანიშვილის თეატრი აუცილებლად უნდა მოინახულოთ, რომელიც, თავის მხრივ, თბილისის მდიდარ მხატვრულ მემკვიდრეობას ასახავს.