Tbilisi City Guide

    დასავლეთ საქართველოში მდებარე სამეგრელოს ულამაზესი მხარე, მისი უნიკალური კულტურული ტრადიციებით და იდენტობით, ბუნებით, მრავლფეროვანი პეიზაჟებით და მდიდარი ისტორიული მემკვიდრეობით  გულგრილს არავის ტოვებს.

  სამეგრელო სუბტროპიკული და ზომიერი სარტყლების საზღვარზე მდებარეობს. რეგიონი წყლის ობიექტების სიუხვითა და მრავალფეროვნებით გამოირჩევა. სამეგრელოს, რომელსაც დასავლეთით შავი ზღვა ესაზღვრება, მდინარე რიონის, ცხენისწყლისა და ენგურს შორის მდებარეობს. ამას გარდა, რეგიონში ასობით ულამაზესი მდინარე მოედინება, ხოლო მათ მიერ შექმნილი კანიონები, ტურისტებისათვის რეგიონის ერთ-ერთ ყველაზე საყვარელ ღირსშესანიშნაობას წარმოადგენენ.

   რეგიონში არსებული მრავალი ბუნებრივი საოცრებიდან აღსანიშნავია, კოლხეთის ეროვნული პარკი. კოლხეთის ტროპიკული ტყეები და ჭაობები, რომელიც კოლხეთის ეროვნული პარკის ტერიტორიასაც მოიცავს, იუნესკოს მსოფლიო მემკვიდრეობის ძეგლთა სიაშია შესული.

   საქართველოს ყველა კუთხე უნიკალური კულინარიით ხასიათდება, თუმცა მათ შორის მეგრული სამზარეულო გამორჩეულია. ტრადიციულ კერძები როგორიც ელარჯი, გებჟალია, მეგრული ხაჭაპური და სულგუნი, არა მხოლოდ გურმანებს აღაფრთოვანებს. გამორჩეულია რეგიონის ხალხური მუსიკა და ტრადიციული მრავალხმიანი სიმღერაც.

  სამეგრელოს უნიკალური ტრადიციები და კულტურული მემკვიდრეობა, ანტიკური ციხესიმაგრეები თუ შუა საუკუნეების მონასტრები, ეროვნული პარკები თუ ბუნების სხვა საოცრებანი, ვიზიტორთ სასიამოვნო შთაბეჭიდელებებით აღავსებს.